Sjókort á rastaformi

Íslensk sjókort eru gefin út í þremur megin kortaseríum. Hafna- og aðsiglingakort eru 50 talsins, 45 hafnakort og 5 aðsiglingakort. Hafnakort eru í mælikvarða 1:10.000. Aðsiglingakortin eru í mælikvörðum á bilinu 1:35.000 til 1:50.000. Strandsiglingakort í mælikvarða 1:100.000 eru 17 og yfirsiglingakort í mælikvarða 1:300.000 eru 6. Þrjú yfirlitskort eru í mælikvörðum einn á móti milljón og minni.

Skrá yfir sjókort er á vef Landhelgisgæslunnar.

https://www.lhg.is/media/sjomaelingar_islands/Kortaskra_IS_Catalogue_of_Charts_21.06.2023b.pdf

Sjókortin sem hér eru birt hafa ekki verið leiðrétt samkvæmt tilkynningum til sjófarenda. Undantekning frá því eru sjókort í mælikvarða 1:10000 gefin eru út og prentuð eru á blaðstærð A3. Kortin sem þetta á við eru stjörnumerkt [*] í kortaskránni.

Sjókortin í vefþjónustunni eru rastamyndir af útgefnum sjókortum eins og staðan er í lok nóvember 2023.

Listi yfir sjókort sem eru í gildi og tilkynningar til sjófarenda er að finna á vef Landhelgisgæslunnar:

https://www.lhg.is/starfsemi/sjomaelingasvid/tts/uppsafnadar-tilkynningar/

Rammi og bauganet tekið burt:

Við gerð rastamyndanna var rammi sjókorts fjarlægður, textaupplýsingar í ramma utan kortflatar og bauganet á kortfleti. Þá voru textaupplýsingar inn á kortfletinum teknar í burtu þar sem að þær voru óþarfar samhengisins vegna.

Tákn og skammstafanir á sjókortum eru samræmd á alþjóðavísu (INT1). Tákn og skammstafanir í íslenskum sjókortum eru skýrð í samnefndu riti. Það er aðgengilegt á vef Landhelgisgæslunnar.

Dýpi er miðað við meðalstórstraumsfjöru. Dýpi og hæðir eru í metrum. Dýpi að 21 metra er gefið í metrum og desímetrum. Frá 21 til 31 er dýpið á hálfum metra. Frá 32 m er dýpi í heilum metrum.

Date ( Creation ): 2019-09-13

Identifier: https://gatt.lmi.is/geonetwork/srv/metadata/76e02e09-db0c-4eac-a8b6-5436fa5bd5a9

Presentation form: Digital image

Purpose: Skoðunaraðgangur að sjókortum í gegnum vefsjá er hugsaður sem þjónusta við almenning og samfélag.

Á skipstjórnarmönnum hvílir sú skylda eftir sem áður að hafa prentuð sjókort um borð í skipum sínum samkvæmt 10. gr. 5. mgr. reglna um björgunar- og öryggisbúnað íslenskra skipa (nr. 189/1994).

Þar segir: „Sérhvert skip skal hafa nýjustu útgáfu nauðsynlegra sjókorta, þ.e. yfirsiglinga- og sérkort. Nauðsynleg tæki skulu vera til að setja út í sjókort svo og vitaskrár, flóðtöflur og nauðsynlegar leiðsögubækur fyrir þau svæði sem fyrirhugað er að sigla um. Leiðréttingar, sem fram koma eftir útgáfu korts og birtar eru í tilkynningum til sjófarenda skulu færðar í kortin. Aðrar leiðréttingar sem birtar eru skal heimfæra þar sem við á.“

Í viðauka reglugerðar um öryggi fiskiskipa sem eru 15 metrar eða lengri að mestu lengd, viðauki 1, X. kafli, 4. regla (122/2004) segir:

Siglingaáhöld og sjóferðagögn.

1. Um borð í skipum:

a. skulu vera hentug siglingaáhöld, sjókort og sjóferðagögn til að skipuleggja og sýna leið skipsins vegna fyrirhugaðrar ferðar og setja út og fylgjast með stöðum skipsins meðan á ferð þess stendur. Fallast má á að rafræn korta- og upplýsingakerfi (ECDIS) uppfylli kröfur í þessum undirlið um að sjókort skuli vera til staðar;

b. skal vera varabúnaður sem uppfyllir kröfurnar í lið .1 um virkni ef þessu hlutverki er fullnægt að hluta til eða að fullu með raftæknilegum búnaði.

2. Sjókort og sjóferðagögn, svo sem siglingaleiðbeiningar, vitaskrár, tilkynningar til sjófarenda, flóðatöflur og öll önnur nauðsynleg sjóferðagögn vegna fyrirhugaðrar ferðar skulu vera af nægilegum fjölda og leiðrétt.

Credit: Landhelgisgæsla Íslands

Owner

Sjókort á rastaformi

Simple

gmd:MD_Metadata

Overviews

Spatial extent

Provided by

Associated resources