From 1 - 10 / 30
  • Categories  

    Um er að ræða fjarkönnunargögn úr gervitunglinu Rapideye. Þetta eru vinnugögn fyrir tilraunaverkefnið CAP 40 myndir með 5 böndum á sýnilegu og innrauðu sviði og 5m punktstærð þekja allt landið. Myndirnar eru frá árunum 2011-2012.

  • Categories  

    Nú hafa Landmælingar Íslands útbúið vefkort með því að staðsetja og klippa saman hin svokölluðu Herforingjaráðskort. Eftirfarandi lýsing á Herforingjaráðskortum er tekin af vef Landsbókasafns: Á síðasta áratug 19. aldar varð dönskum yfirvöldum ljóst að þau kort sem til voru af Íslandi stæðust ekki þær kröfur sem gera þyrfti í samfélagi þess tíma. Bestu kort af Íslandi sem buðust voru í stórum dráttum byggð á strandmælingum danska sjóhersins sem fram fóru á árunum 1801-1818 annars vegar og hins vegar á kortum Björns Gunnlaugssonar sem byggð voru á fyrrnefndum strandmælingum og eigin mælingum Björns á árunum 1831-1843. Á fjárlögum 1899 voru veittar 5000 krónur og skyldi hefja nýjar þríhyrninga- og strandmælingar á Reykjanesi. Árið 1900 var gefin út í Danmörku tilskipun um að sendur skyldi leiðangur til Íslands til að mæla hér grunnlínu og hnattstöðu. Síðan var ætlunin að mæla þríhyrninganet út frá nýju grunnlínunni. Hingað voru sendir danskir liðsforingjar og sumarið 1900 var unnin ýmis undirbúningsvinna. Árið 1902 höfðu fjárveitingar verið auknar svo að rétt þótti að hefjast handa. Byrjað var á Hornafirði og mælt vestur ströndina og um lágsveitir Suðurlands en uppsveitum og hálendi frestað. Verkinu var svo haldið áfram tvö næstu árin en féll niður 1905 vegna fjárskorts og annarra anna hjá Landmælingadeild danska herforingjaráðsins (Generalstabens topografiske Afdeling) er tókst verkið á hendur. Eftir eins árs bið var þráðurinn tekinn upp að nýju enda bættist nú við fjárstyrkur úr ríkissjóði Dana. Á árunum 1906-1914 var unnið öll sumur, nema 1909, þegar ekkert var aðhafst. Var þá lokið byggðamælingum sunnanlands og mælt um Vesturland, norður og austur um Húnaflóa. Árangurinn var 117 kortblöð af þriðjungi landsins, suður- og vesturhluta, í mælikvarða 1:50.000 (auk nokkurra sérkorta af afmörkuðum svæðum). Þau eru gjarnan nefnd herforingjaráðskortin í höfuðið á þeim sem stóðu fyrir gerð þeirra.

  • Categories  

    Skannað Íslandskort í kvarðanum 1:750.000, svokallað ferðakort. Upprétt GeoTIFF mynd sem varpað var úr VisIT hugbúnaðinum þegar kortið voru gefið út á diskum.

  • Categories  

    Í loftmyndasafni Landmælinga Íslands eru um 140000 loftmyndir frá árinu 1937 til ársins 2000. Til eru myndir af öllu landinu teknar á mismunandi tímum og hafa þær ómetanlegt samanburðar- og heimildagildi. Myndirnar frá árunum 1937 til 1938 eru frá dönskum landmælingamönnum. Einnig eru til myndir sem teknar voru á vegum Breta, Þjóðverja og Bandaríkjanna á tímum heimstyrjaldarinnar síðari. Frá árinu 1950 til ársins 2000 tóku Landmælingar Íslands myndir nánast árlega. Meirihluti myndanna er svarthvítur en þó er nokkuð til af litmyndum. Safnið er vel skráð í sérstakri loftmyndaskrá.Stór hluti loftmyndasafnsins er nú komið á stafrænt form. Stærstur hluti myndanna er í mælikvarðanum 1:36000. Einnig er töluvert um lágflugsmyndir sem eru í stærri mælikvarða. Skönnuðu myndirnar eru ekki í neinu staðsetningarkerfi og norður snýr ekki alltaf upp.

  • Categories  

    Á árunum 2002-2010 hafa Landmælingar Íslands staðið fyrir sameiginlegum kaupum innlendra stofnana á SPOT gervitunglamyndum af íslandi. Þessar SPOT myndir eru 90 talsins og þekja allt landið. Hver mynd nær yfir 60 km x 60 km svæði eða 3600 km2 að stærð. Myndirnar eru uppréttar og hnitsettar. Staðsetningarnákvæmnin í þeim er um 5 metrar. Upplausn eða greinihæfni er 10 m í litböndunum en 2,5 m í pan-bandinu sem notað er til þess að skerpa litaframsetningar SPOT myndanna. (core_3_myndir_fra_ESA)

  • Categories  

    Aðallega SPOT-4 en einnig SPOT-5 gervitunglamyndir sem teknar voru að sumarlagi 2006 og 2007 samkvæmt samningi Umhverfisstofnunar Evrópu (EEA) og Geimferðastofnunar Evrópu (ESA) fyrir CORINE landflokkunarverkefnið og önnur skyld verkefni í Evrópu. • SPOT-4 og SPOT-5 • Hnitsettar, 20 m myndpunktsstærð • 4 spekturbönd (G, R, NIR og SWIR) en ekki pan-band. • Alls 76 myndir sem þekja allt landið, skýjaþekja < 5% fyrir landið allt. • BIL (ZIP) og IMG-gagnasnið, 8 bita • Sólarhæð > 23°. Aðfallshorn (Instrument Incidence Angle) < 20°.

  • Categories  

    WorldView-2 er í flokki VHR (Very high resolution) fjarkönnunartungla með komið hefur verið verið á braut um jörðu. WorldView tekur myndir á átta spekturböndum. Myndirnar eru teknar í 770 km hæð. Myndirnar sem til eru hjá LMÍ eru alls sex og eru samsettar úr fleiri myndum. Fjórar myndir eru í Borgarfirði og tvær á Suðurlandi. • Greinihæfni í pan 0,46 m • Greinihæfni í lit 1,8 m • Litbönd B, G, R, NIR, R edge, coastal, gult, NIR2 • Stærð myndar 16,4 x 16,4 km2

  • Categories  

    Flokkuð gervitunglamynd af öllu Íslandi þar sem yfirborð hefur verið flokkað í 8 flokka. Stærð myndeininga er 100 x 100 m. Unnið eftir 12 Landsat TM myndum á tímabilinu 1986-1992. Unnin hjá LMÍ 1991-1993 i samvinnu við Landgræðslu ríkisins og Landbúnaðarháskólann.

  • Categories  

    Myndirnar voru teknar af Swedesurvey á tímabilinu 19.ágúst-09.september 2000. Viðmiðunarflöturinn er sporvalan WGS84 og nákvæmnin er +/- 2dm (e. relative accuracy). Um er að ræða 58 myndir sem voru teknar árið 2000 en færðar inn í kerfi LMÍ 14.06.2001. Myndirnar eru í mælikvörðunum 1:13.000 / 1:20.000 / 1:36.000. Ein yfirlitsmynd fylgir sem sýnir allt svæðið. Myndirnar eru svart/hvítar. Hæðarlíkan (og hæðarlínur) var unnið af Swedesurvey, út frá myndunum og er það einnig aðgengilegt hjá LMÍ. Nánari upplýsingar er hægt að fá hjá stofnuninni: lmi@lmi.is. LMÍ keyptu fullan afnotarétt á myndirnar og gögnin og má stofnunin dreifa þeim. Séu myndirnar og/eða gögnin notuð þarf að geta uppruna þeirra, þ.e. að þau séu upprunalega frá Swedesurvey (höfundaréttur) en í eigu LMÍ. Um er að ræða svo kallað "pilot project" sem ákveðið var að framkvæma sem hluta af undirbúningi áður en hafist var handa við vinnuna á fyrir landsþekjandi gagnasafn LMÍ, IS 50V. Á þessum tím voru einungis til gömul gögn (er fyrir utan DMA kortasvæðið). Kannað var á afmörkuðu svæði hver kostnaður gæti orðið fyrir gögn yfir allt landið og hvaða gæðakröfur ætti að gera.

  • Categories  

    Spot mosaic mynd í náttúrulegum litum. Myndin er samsett úr SPOT myndum sem teknar voru á árabilinu 2002-2010. Hægt er að velja myndina sem bakgrunnsmynd í Oskari kortaklugganum.