From 1 - 9 / 9
  • Categories  

    Á síðustu árum hefur gögnum verið aflað fyrir nýtt landhæðarlíkan norðurhveli jarðar, norðan við 60°N, þar með talið af Íslandi. Almennt er það nefnt Arctic-landhæðaríkan (e. ArcticDEM) og er unnið af Bandaríkjamönnum. Vinnan fer fram við Polar Geospatial Center (PGC) sem er innan veggja Minnesota háskóla. Líkanið er unnið úr gervitunglamyndum og eru notuð myndpör (stereoscopic) frá gervitunglum á borð við WorldView-1, WorldView-2, WorldView-3 og GeoEye-1. Greinihæfni mynda frá þessum tunglum er á bilinu 31-46 cm. Með þessum gögnum er unnið landhæðaríkan þar sem minnstu reitir eru 2x2 m. Þetta þýðir að ef öllu Íslandi er deilt upp í 4 m2 reiti hefur hver slíkur eitt hæðargildi. Þær myndir sem notaðar eru til verkefnisins eru yfirleitt 2-3 ára en allt að 6-7 ára gamlar. Mjög öflugur hugbúnaður er notaður við verkið og hefur miklum gögnum þegar verið komið á framfæri en allir geta sótt gögnin á niðurhalssíðu PGC. Þótt gögnin teljist almennt góð er engu að síður þörf á að lagfæra eða leiðrétta agnúa sem í þeim finnast. Landmælingar Íslands hafa sótt gögnin og þar fer fram vinna við lagfæringar þeirra. Þetta sýnishorn frá Suðvesturlandi er dæmi um þá vinnu sem Landmælingar nú hafa með höndum. Gögnin innihalda landhæðarlíkan (2-m-greinihæfni), 2-m-hæðarlínur og hæðarskyggingu (hillshade). Recently, elevation data has been acquired for a new elevation model for the Arctic, i.e. north of 60°N that includes Iceland. This model is referred to as the ArcticDEM and the project is carried out by the US. The work is conducted by the Polar Geospatial Center (PGC) at the University of Minnesota. The DEM is based on satellite imagery of stereo-pairs from satellites such as WorldView-1, WorldView-2, WorldView-3 and GeoEye-1 that have a resolution of 31-46 cm. The DEM product has a resolution of up to 2 m, which means that if the whole of Iceland was divided into 4 square meter areas, each such area would have an elevation value. The used imagery used is mostly between 2 and 3 years old, up 6 to 7 years old. Powerful software/hardware is used for this project and already immense amount of DEM data has been made available and can be downloaded from the Polar Geospatial Center. Although the data is generally of high quality there is, however, need to carry out considerable work to eliminate clear defects. The National Land Survey has acquired the data and presently work is conducted on gap filling, elevation cone removal and geoid corrections and the Kleifarvatn DEM is an example this work. The Lake Kleifarvatn data set consists of a digital elevation model with 2 m resolution, 2 m contour line data set and a hillshade made from the model.

  • Landmælingar Íslands hafa unnið nýtt landhæðarlíkan af Íslandi. Um uppfærslu á eldra líkani er að ræða þar sem nýleg gögn af ólíkum uppruna þekja um 39.100 km2 eða um 38% landsins. Stærsta samfellda uppfærslan nær frá Suðurlandi til norðausturs, austur fyrir Egilsstaðir.Hæðarlíkanið hefur 10 x 10 m myndeiningar. Helsu nýleg gögn eru (sjá staðsetningu á meðfylgjandi smámynd hér fyrir neðan): 1) IPY-Lidargögn fyrir jökla landsins frá árunum 2007-2012, 15144 km2, LE90: 2,65 m. 2) Gögn úr 5-m-hæðarlínum, 10736 km2, LE90: 3,9 m. 3) Emisar radargögn, 4536 km2, LE90: 3,2 m. 4) Gögn úr 10-m-hæðarlínum, 2938 km2, LE90: 8,48 m, 5) SwedeSurvey photogrammetry gögn, 1433 km2, LE90: 2,60 m, 6) Gögn úr mælikvarða 1:25.000, 1152 km2, LE90: 3,8 m, 7) Bresk lidargögn (Dr. Susan Conway, Open University), 532 km2, LE90: 0,96-4,63 m. Líkaninu fylgir hæðarskygging, þ.e. upphleypt mynd af landinu en slíkar myndir eru gjarnan notaðar sem undirlag til að draga fram eða leggja áherslu á landslag. The National Land Survey of Iceland has made a new DTM of Iceland. The DTM is an upgrade of an earlier DTM where recent data, that vary in origin, cover 39.100 km2 or some 38% of the country. The DEM has pixel resolution of 10 x 10 m with. The main recent data are (see location on figure below): 1) IPY-lidar data for the glaciers of Iceland (surveyed in the years 2007 to 2012), 15144 km2, LE90: 2,65 m. 2) Data from 5-m-contour lines, 10736 km2, LE90: 3,9 m. 3) Emisar radar data, 4536 km2, LE90: 3,2 m. 4) Data from 10-m-contour lines, 2938 km2, LE90: 8,48 m, 5) SwedeSurvey photogrammetic data, 1433 km2, LE90: 2,60 m, 6) 1:25.000 contour data, 1152 km2, LE90: 3,8 m, 7) British lidar data (courtesy of Dr. Susan Conway, Open University), 532 km2, LE90: 0,96-4.63 m.The DTM is accompanied by a hillshade or a relief image of Iceland. Hillshade images are commonly used as a layer beneath maps or data to emphasize landscape.

  • Upplýsingar um færð á vegum landsins sem eru uppfærðar reglulega yfir daginn. Færðin birtist á færðarkortum á heimasíðu Vegagerðarinnar. Gögnin innihalda einnig upplýsingar um hálkustaði en þeir eru ekki aðgengilegir á færðarkorti. Upplýsingar um færð er einnig hægt að nálgast með vefþjónustu á gagnaveitu Vegagerðarinnar.

  • Umferðarslys á þjóðvegum frá árinu 2000. Gögnin byggja á upplýsingum frá Samgöngustofu (áður Umferðarstofu) sem aftur byggir sínar skráningar á lögregluskýrslum og frá árinu 2009 einnig á gögnum frá fyrirtækinu Aðstoð og öryggi. Frá árinu 2007 hafa slysin verið hnituð eftir loftmyndum og eru gæði gagnanna mun meiri frá þeim tíma. Vegagerðin hefur meðhöndlað slysagögnin, t.d. með því að lagfæra staðsetningu í einhverjum tilvikum, svo þau nýtist betur við undirbúning umferðaröryggisðagerða á þjóðvegum. Gögnin innihalda m.a. upplýsingar um hvenær slys varð, staðsetningu þess, tegund slyss (dæmi: útafakstur) og alvarlegustu afleiðingar þess. Sem dæmi má nefna að ef enginn maður slasast í slysinu er um eignatjón að ræða. Ef einn einstaklingur slasast lítið en annar mikið flokkast slysið sem slys með miklum meiðslum. Einnig kemur fram hversu margir slasast lítið eða mikið í hverju slysi og fjöldi látinna.

  • Gögnin innhalda staðsetningu veðurstöðva sem eru í eigu Vegagerðarinnar og staðsettar eru við þjóðvegi en einnig veðurstöðvar í eigu Veðurstofunnar og annarra.

  • Reiknuð umferð á þjóðvegakerfinu, frá árinu 2008. Umferðartölurnar eru reiknaðar fyrir einstaka hluta vegakerfisins á stofn-, tengi- og landsvegum og fylgja miðlínugrind Vegagerðarinnar. Eldri umferðartölur sem ná aftur til ársins 1975 eru eingöngu til á töfluformi og eru ekki tiltæk í landupplýsingakerfi sem stendur. Útreikningarnir byggja á tvenns konar talningu, þ.e. árstalningu og skynditalningu. Í fyrrnefnda tilvikinu er talið alla daga ársins en í því síðara er talið í stuttan tíma, oftast í u.þ.b. þrjár vikur. Þegar niðurstöður árstalninga liggja fyrir er reiknuð ársdagsumferð (ÁDU), sumardagsumferð (SDU)og vetrardagsumferð (VDU)

  • Gagnasettið inniheldur upplýsingar og staðsetningar á vefmyndavélum Vegagerðarinnar sem eru staðsettar við þjóðvegi. Gögnin innihalda einnig slóðir á myndir úr vélunum sem eru einnig aðgengilegar á heimasíðu Vegagerðarinnar.

  • Þjóðvegir sem eru í umsjón Vegagerðarinnar. Línugögn: Miðlína þjóðvega sem heyra undir Vegagerðina skv. vegalögum. Gögnin innhalda m.a. upplýsingar um yfirborð og flokkun vegakerfisins, auk staðsetningu jarðganga. Einnig upplýsingar um yfirborðsmerkingar Punktgögn: Brýr og ræsi þ.m.t. göngubrýr yfir þjóðvegi. Ýmsar upplýsingar fylgja brúnum s.s. breidd, lengd, gerð brúarvirkis ofl. Umferðarmerki, skráning á gerð fer eftir reglugerð nr.289/1995 með síðari breytingum. Áningastaðir.

  • Námur, gryfjur og borholur (punktgögn). Í námuskrá Vegagerðarinnar er að finna staðsetningu á malar- og bergnámum landsins auk ýmissa annarra upplýsinga um námur s.s. jarðmyndun, frágang, jörð sem náman tilheyrir, rétthafa námunnar og upplýsingar um efnisrannsóknir. Jarðtæknikerfi Vegagerðarinnar inniheldur upplýsingar um staðsetningar á gryfjum og borholum, auk ýmissa annarra upplýsinga s.s. jarðlagasnið. Af sumum þessum stöðum hafa verið tekin sýni og til eru upplýsingar um rannóknarniðurstöður.