Gögnin sýna svæði þar sem rjúpnaveiði er óheimil allt árið um kring.

Þekja ni_tillogur_a_Bhluta_allt_fl: Tillögur að svæðum á framkvæmdaáætlun (B-hluta) náttúruminjaskrár út frá verndun vistgerða, fugla, sela, jarðminja og fossa. Innan stærri verndarsvæða voru í sumum tilfellum afmörkuð smærri svæði sem draga fram forgangsvistgerðir eða fuglategundir sem eru ekki einkennandi fyrir heildarsvæðið. Mörk eru ekki alltaf nákvæmlega skilgreind. Náttúruminjaskrá skiptist í þrjá hluta sem auðkenndir eru sem A, B og C-hluti. B-hluti er framkvæmdaáætlun náttúruminjaskrár þ.e. skrá yfir þær náttúruminjar sem Alþingi hefur ákveðið að setja í forgang um friðlýsingu eða friðun á næstu fimm árum. Í lögunum er lögð áhersla á að byggja upp skipulegt net verndarsvæða til að stuðla að vernd líffræðilegrar fjölbreytni, jarðbreytileika og fjölbreytni landslags. Náttúrufræðistofnun Íslands gerir tillögur um minjar sem ástæða þykir til að setja á framkvæmdaáætlun, þ.e. B-hluta. Að loknu því vali felur ráðherra Umhverfisstofnun að meta nauðsynlegar verndarráðstafanir á svæðum sem til greina kemur að setja á framkvæmdaáætlun og kostnað við þær. Í því ferli koma fram ýmsir aðrir hagsmunir sem geta haft áhrif á endanlegt val svæða en eru sem slíkir ekki grunnþættir í vali á svæðum til að viðhalda ákjósanlegri verndarstöðu vistgerða, vistkerfa eða tegunda. Að lokum mun Umhverfis-, orku- og loftslagsráðuneytið í samráði við ráðgjafanefnd leggja fram þingsályktunartillögu um verndun svæða. Tillögurnar eru enn í úrvinnslu hjá Umhverfisstofnun og umhverfis-, orku- og loftslagsráðherra (staða 23. febrúar 2022). Afmörkun svæða í tillögum Náttúrufræðistofnunar er ekki alltaf nákvæmlega skilgreind og getur tekið breytingum við áframhaldandi undirbúning framkvæmdaáætlunar.

Þekja (layer) n25v_hraunNutima_fl: Eldhraun (hraun) sem myndast hafa eftir að jökull hvarf af landinu á síðjökultíma. (Postglacial lavas in Iceland.) Eldhraun sem myndast hafa eftir að jökull hvarf af landinu á síðjökultíma njóta sérstakrar verndar samkvæmt 61 gr. í lögum um náttúruvernd. Náttúrufræðistofnun Íslands heldur skrá yfir þessi náttúrufyrirbæri og birtir í kortasjá sem jafnframt er viðauki við náttúruminjaskrá. Hraun frá nútíma eru flokkuð í forsöguleg og söguleg hraun og í gögnunum eru upplýsingar um aldur, eldstöðvakerfi og heiti hrauna. Heimildaskrá fylgir (n25v_gigarOgHraunNutima_heimildir).

Þekjur (layers) n25v_gigarNutima_li og n25v_gigarNutima_fl: Eldvörp (gígar) og gervigígar sem myndast hafa eftir að jökull hvarf af landinu á síðjökultíma. (Volcanic craters and rootless vents formed after last Iceage [12.000 years ago].) Eldvörp og gervigígar sem myndast hafa eftir að jökull hvarf af landinu á síðjökultíma njóta sérstakrar verndar samkvæmt 61 gr. í lögum um náttúruvernd. Náttúrufræðistofnun Íslands heldur skrá yfir þessi náttúrufyrirbæri og birtir í kortasjá sem jafnframt er viðauki við náttúruminjaskrá. Heimildaskrá fylgir (n25v_gigarOgHraunNutima_heimildir).

Þekja (layer) n50v_votn_fl: Náttúruleg stöðuvötn og tjarnir, 1000 fermetrar eða stærri. (Natural lakes and ponds, 1000 squaremeters and larger.) Náttúruleg stöðuvötn og tjarnir, 1000 fermetrar að flatarmáli eða stærri, njóta sérstakrar verndar samkvæmt 61 gr. í lögum um náttúruvernd. Náttúrufræðistofnun Íslands heldur skrá yfir þessi náttúrufyrirbæri og birtir í kortasjá sem jafnframt er viðauki við náttúruminjaskrá.

Gögnin veita upplýsingar um stærð, staðsetningu og tegundir náttúruverndarsvæða á Íslandí samræmi við lög nr.60/2013 um náttúruvernd. The data provides information about location, size and types of nature conservation areas in Iceland according to the nature conservation act nr. 60/2013.

Þekja (layer) n50v_fossar_p: Fossar á Íslandi. (Waterfalls in Iceland.) Fossar og nánasta umhverfi þeirra að því leyti að sýn að þeim spillist ekki, njóta sérstakrar verndar samkvæmt 61 gr. í lögum um náttúruvernd. Náttúrufræðistofnun Íslands heldur skrá yfir þessi náttúrufyrirbæri og birtir í kortasjá sem jafnframt er viðauki við náttúruminjaskrá.

Þekja (layer) n500v_jadhiti_p og n500v_jardhiti_fl: Hverir og aðrar heitar uppsprettur. (Hot springs and other wells.) Hverir og aðrar heitar uppsprettur ásamt lífríki sem tengist þeim, virkri ummyndun og útfellingum, þar á meðal hrúðri og hrúðurbreiðum njóta sérstakrar verndar samkvæmt 61 gr. í lögum um náttúruvernd. Náttúrufræðistofnun Íslands heldur skrá yfir þessi náttúrufyrirbæri og birtir í kortasjá sem jafnframt er viðauki við náttúruminjaskrá. Jarðhitakort af Íslandi frá árinu 2003 eru einu aðgengilegu gögnin fyrir þetta náttúrufyrirbæri og sem ná yfir allt landið. Upplýsingar um lífríki, ummyndun og útfellingar hefur ekki verið safnað saman og fylgir ekki með gögnunum.

Gagnasafn (GDB) NI_F25v_mikilvaegFuglasvaedi: Flákalag. Alls er 121 svæði á Íslandi sem telst alþjóðlega mikilvægt fyrir fugla. 70 svæði teljast til sjófuglabyggða (SF), 25 svæði eru fjörur eða grunnsævi (FG) og 31 svæði er votlendi eða önnur svæði inn til landsins (VOT). Nokkur svæði falla undir tvo eða þrjá flokka. Mikilvæg fuglasvæði er að finna í 65 af 74 sveitarfélögum landsins. Afar misjafnt er hversu mörg mikilvæg svæði eru skilgreind fyrir hverja fuglategund. Hjá varpfuglum eru langflest svæði skilgreind fyrir fýl (38) og hjá fargestum eru þau flest fyrir rauðbrysting (átta svæði). Fyrir 40 tegundir hafa engin mikilvæg svæði verið skilgreind. Alþjóðleg töluleg viðmið hafa ekki verið sett fyrir 21 þeirra en hinar 19 eru það fáliðaðar hér á landi að engin svæði teljast alþjóðlega mikilvæg fyrir þær. Kóðar fyrir fitjueigindir ‚Staða fitju‘ (stadaFitju) eru: 0 = ekki skilgreind áður sem mikilvæg fuglasvæði; 1 = skilgreind áður sem mikilvæg fuglasvæði, útlínur notað; 2 = skilgreind áður sem mikilvæg fuglasvæði, útlínum breytt; 3 = skilgreind áður sem mikilvæg fuglasvæði, útlínur NÍ; 4 = friðlýst, á náttúruminjaskrá eða votlendisskrá (getur auk þess verið skilgreind áður sem IBA), útlínur notað; 5 = friðlýst, á náttúruminjaskrá eða votlendisskrá (getur auk þess verið skilgreind áður sem IBA), útlínum breytt eða búið til; 6 = svæðið er hluti af öðru svæði sem er friðlýst, á náttúruminjaskrá eða votlendisskrá (getur auk þess verið skilgreind áður sem IBA) eða hluti þess er friðlýst, á náttúruminjaskrá eða votlendisskrá (getur auk þess verið skilgreind áður sem IBA), útlínur NÍ. [A total of 121 IBAs are defined. 70 IBAs are seabird colonies (SF), 25 IBAs are primarily intertidal zones and adjacent shallow marine waters (FG), 31 IBAs are inland, predominantly fertile wetlands and surface inland waters. A few IBAs fall under two or three categories. These IBAs lay in 65 of the 74 municipalities of Iceland. The number of IBAs designated for each species varies; by far, most breeding sites of Fulmarus glacialis (38). No areas were designated for 40 species. For more than half of those IBA-criteria have not been defined; others do not meet the criteria due to their small populations in Iceland. The feature attribute codes for ‘stadaFitju’ are: 0 = not previously designated as IBAs; 1 = previously designated as IBAs, outline unchanged; 2 = previously designated as IBAs, outline changed; 3 = previously designated as IBAs, outline drawn by IINH; 4 = protected or on the Register of areas of conservation interest (could as well be previously designates as IBAs), outline unchanged; 5 = protected or on the Register of areas of conservation interest (could as well be previously designated as IBAs), outline changed; 6 = .area is part of an area that is protected or on the Register of areas of conservation interest (could as well be previously designated as IBAs) or part of this area is protected or on the Register of areas of conservation interest (could as well be previously designated as IBAs), outline drawn by IINH.]

Gagnaset (data set) ni_vg25r_3utg: Vistgerðir á Íslandi: land (Habitat types of Iceland: terrestrial). Vistgerðakortið sýnir útbreiðslu landvistgerða á Íslandi. Alls hafa verið ákvarðaðar 64 vistgerðir á landi og skiptast í 12 meginflokka (vistlendi). Innan landvistgerða eru fjórar jarðhitavistgerðir sem finnast á háhita- og lághitasvæðum landsins. Landvistgerðum er skipt upp í tvö þrep. Við skilgreiningu og flokkun vistgerða á Íslandi var tekið mið af EUNIS-flokkunarkerfinu (European Environment Agency 2012) . Í 3. útgáfu vistgerðakortsins 2024 eru eingöngu landvistgerðir endurskoðaðar. Náttúrufræðistofnun Íslands leggur með ritinu Vistgerðir á Íslandi fram tillögur að flokkun vistgerða sem á sér fyrirmynd í samræmdri og viðurkenndri flokkun vistgerða í Evrópu. Flokkunin byggir á rannsóknum víða um land með fyrirvara um að bæta mætti í þá þekkingu. Athuga skal að aðgreining landvistgerða með fjarkönnun reyndist erfið, bæði fyrir lítið grónar vistgerðir sem og vel grónar, einkum innan vistlenda. Því má búast við verulegum skekkjum þótt þær séu mismiklar eftir vistgerðum. Nánari útlistun og mat á skekkjum má finna í aðferðalýsingu og á staðreyndasíðum vistgerða í ritinu „Vistgerðir á Íslandi“. Frekari upplýsingar um flokkun og skilgreiningu vistgerða má sjá í ritinu: Jón Gunnar Ottósson, Anna Sveinsdóttir og María Harðardóttir, ritstj. 2016. Vistgerðir á Íslandi. Fjölrit Náttúrufræðistofnunar nr. 54. 299 s. og á vef Náttúrufræðistofnunar.