Líflandfræðileg svæði fyrir sveppi [Bio-geographical provinces for fungi in Iceland]. Reitakerfið er notað til að sýna grófa útbreiðslu sveppa eftir landshlutum og byggir á 10 km reitakerfi NÍ. Fláka- og línulag.

Reitakerfi fyrir útbreiðslukort lífvera á Íslandi í 10 km og 2 km reitum [10-km- and 2-km-grid to compile distribution maps of organisms in Iceland]. Flákalag og punktalag (miðpunktar). Hver reitur er auðkenndur með 4 tölustöfum þannig að tvær fyrstu tölurnar tilgreina lóðrétta dálkinn en tvær síðustu þann lárétta. [Polygons and center points. The tiles are numberd with a 4 digit code, the first 2 digits name the column, the last 2 digits name the row within this grid.]

Surtsey heimsminjasvæði UNESCO [Surtsey World Heritage site UNESCO]. Gögnin sýna útlínur og hornpunkta heimsminjasvæðis Surtseyjar. Útlínur friðlandsins Surtsey marka jaðarbelti (buffer zone) heimsminjasvæðisins. Surtsey fór á heimsminjaskrá UNESCO í júlí 2008.

Jarðfræði vestan og norðvestan Mýrdalsjökuls – 1:60.000 [Geology west and northwest of Myrdalsjokull – 1:60.000]. Kortið sýnir jarðfræði svæðisins frá Fimmvörðuhálsi norður í Entujökul. Kortlögð voru brot, gígar og hraun, ummerki eftir skriður og framhlaup, jökulgarðar og jökulmenjar. Kortið var unnið í tengslum við útgáfu Ríkislögreglustjóra 2005 "Hættumat vegna eldgosa og hlaupa frá vestanverðum Mýrdalsjökli og Eyjafjallajökli".

Jarðminjar á háhitasvæðum Íslands [Geoheritage on geothermal areas in Iceland]. Gagnasettið sýnir rannsóknasvæði sem notuð voru til að meta verndargildi háhitasvæði landsins. Matið byggist á kerfisbundinni öflun samanburðarhæfra gagna um jarðfræði og landmótun á háhitasvæðum og um yfirborðseinkenni jarðhitans. Lagt var mat á fágæti og fjölbreytileika einstakra svæða. Upplýsingar um jarðminjar eru vistaðar í gagnagrunni. Niðurstöður rannsókna eru birtar í skýrslu NÍ-09012: "Jarðminjar á háhitasvæðum Íslands. Jarðfræði, landmótun og yfirborðsummerki jarðhita" eftir Kristján Jónasson og Sigmund Einarsson. Verkefnið var unnið fyrir Orkustofnun.

Almenningar - Landmótunarkort – 1:10.000 [Almenningar – Geomorphological map – 1:10.000]. Rannsóknir á sighreyfingum á vegstæði Siglufjarðarvegar um Almenninga. Á svæðinu var kortlagt yfirborð og jarðlagaskipan lausra jarðlaga og berggrunnur kannaður. Bornar voru saman mæliniðurstöður Vegagerðarinnar á sighraða á vegstæðinu, veðurfarsgögn og ritaðar heimildir um sighreyfingar til að kanna orsakatengsl. Unnið fyrir Vegagerð ríkisins í samstarfi við Náttúrustofu Norðurlands vestra.

Útbreiðsla landsela (Phoca vitulina) og talningagögn 1980-2018. Útbreiðsla útsela (Halichoerus grypus) og talningagögn 1982-2017. [Seal haul-outs around Iceland]. Fjögur flákalög sem sýna kortlagningu 430 landselslátra á 93 talningasvæðum (ni_d25v_landselir_1980_2018_selalatur_fl, ni_d25v_landselir_1980_2018_talningarsvaedi_fl) og 86 útselslátra á 19 talningasvæðum (ni_d25v_utselir_1982_2017_selalautur_fl, ni_d25v_utselir_1982_2017_talningarsvaedi_fl). Talningagögn segja til um fjölda sela á hverju talningasvæði. Selir eru taldir á nokkurra ára fresti og gefur ágæta mynd af breytingum í stofnstærð og umfangi selalátra. Landselir eru taldir síðsumars en útselir að hausti. Nánari skýringar á aðferðum við selatalningar og stofnmat er að finna í Fjölriti 56. Látur eru strandsvæði sem selir leita á til að kæpa, sinna uppeldi kópa, hafa feldskipti og hvílast. Orðið selalátur vísar hér til smæstu samfelldu spildanna þar sem selir halda til. Talningasvæði er aftur á móti víðtækara safnheiti sem oftast nær yfir mörg smærri selalátur. Nákvæmni kortlagningu selalátra miðast við mælikvarða 1:25.000, en nákvæmni talningasvæða er um 1:250.000. [General overview of the seal haul-out locations around Iceland for harbour seals (Phoca vitulina) and grey seals (Halichoerus grypus). The harbour seal population has been monitored with direct counts (aerial censuses) since 1980 and the grey seal population since 1982. Both feature classes 'latur' show the haul-outs (Icelandic: látur) for each species. The haul-outs are grouped into counting zones (Icelandic: talningarsvæði) and both feature classes 'talningarsvaedi' show the associated population counts.] .

Jarðhitakorti af Íslandi 1 : 500.000 [Geothermal Map of Iceland 1 : 500.000]. Á jarðhitakortinu eru háhitasvæði afmörkuð sérstaklega en yfirborðshiti á landinu er flokkaður í vatnsuppsprettur, gufuhverasvæði og ölkeldur ásamt jarðhita undir vatni eða jöklum. Á kortinu eru merktir svo nefndir reitir sem innihalda alla jarðhitastaði á svæði með um 500 m radíus. Hver reitur er táknaður með fjórum tölustöfum t.d. 5039 og innan reits eru mismargar þyrpingar hvera og lauga. Á bak við hvern reit á jarðhitakortinu eru upplýsingar í gagnasafni t.d. um legu, heiti, hita, rennsli, heimildir o.fl. Jarðhiti er sýndur á berggrunnskorti af Íslandi. Kortið er gefið út í samvinnu við Orkustofnun. Jarðhitakortið er hluti af skýrslu, NI-03016 (PDF: http://utgafa.ni.is/skyrslur/2003/NI-03016.pdf).

Gróðurkort af Miðhálendi Íslands [Vegetation map of the Central Highland of Iceland}. Mörk kortlagða svæðisins miðast við svæðisskipulag frá 1999, en innan þess svæðis er 13% lands enn ókortlagt. Gróður á kortinu er flokkaður eftir ríkjandi og einkennandi tegundum plantna í um 100 gróðurfélög eftir gróðurflokkunarkerfi Steindórs Steindórssonar (sjá www.ni.is/sites/ni.is/files/atoms/files/Grodurlykill-20X20kort_Isl_midhalendi.pdf eða www.ni.is/media/midlunogthjonusta/utgafa/utgafa_kort/Grodurlykill-20X20kort_Ensk_midhalendi.pdf). Land sem hefur minni gróðurþekju en 10% er flokkað í 14 landgerðir eftir eðliseiginleikum lands. Gróið land er flokkað í fjóra þekjuflokka þ.e. algróið > 90% gróðurhula, 75% gróðurhula (x), 50% gróðurhula (z) og 25% gróðurhula (þ). Kortið er byggt á mismunandi gömlum vettvangsgögnum NÍ og Rala frá því gróðurkortagerð hófst á Íslandi 1955 til dagsins í dag. Við gerð stafræna kortsins voru öll vettvangsgögn endurteiknuð og uppfærð með skjáteiknun ofan á nýjustu myndkort frá Loftmyndum ehf. og Spot 5 gervitunglamyndum. Nákvæmni kortsins miðast við mælikvarða 1:25.000.

Jarðfræðikorti af Íslandi – 1 : 250.000 – Blað 1 til 9 [Geological Map of Iceland – 1 : 250.000 – Sheet 1 til 9]. Jarðfræðikorti af Íslandi er skipt niður í 9 kortblöð. Ólokið er gerð tveggja kortblaða, 4 og 8, og endurskoða þarf kortblöð 1 og 5. Jarðfræðikortin sýna stærstu drætti í jarðfræði landsins. Berggrunnur er flokkaður eftir aldri, gerð og samsetningu en jarðgrunnur er flokkaður í helstu myndanir frá ísaldarlokum til nútíma. Einnig sýnir kortið dreifingu gosstöðva frá ísöld og nútíma, jarðhita, berghlaup, stefnu jökulráka, strik og halla berglaga og fundarstaði steingervinga. [This map series consits of 9 map sheets. Sheet 4 and 8 are not published, sheet 1 and 5 need to be updated. The Geological Map of Iceland shows the main features of the bedrock geology. Formation are classified by age, type, and composition. Surfacial deposits are classified by Postglacial to Holocene age. The map also shows the distribution of Pleistocene and postglacial eruption sites, geothermics, landslides, moraines, strike and dip, and fossil localities.]