Ræktað skóglendi á Íslandi er þekja yfir öll kortlögð skógræktarsvæði á Íslandi. Upplýsingar eru skráðar um aldur skógarins, hæð, CORINE flokk og tegundir í reit svo eitthvað sé nefnt. Skráðar eru upplýsingar um hvaðan gögnin koma, stærstur hluti gagnanna kemur frá Skógræktinni, síðan 1. janúar 2024 Land og skógur, en einnig mikið frá skógræktarfélögum. Þá er talsvert um einkaskóga, t.d. í sumarbústaðalöndum sem þarf að kortleggja sérstaklega. Árlega berast upplýsingar um nýjar gróðursetningar trjáplantna og er gagnagrunnurinn því uppfærður á hverju ári. Nota má stærstan hluta gagnanna í 1:2.000.

Yfirlitsþekja um tvo helstu kortaflokka Orkustofnunar: A) Gagnasett með skrám og blaðskiptingum 755 Orkugrunnkorta (1958-1998). B) Gagnasett með skrám og blaðskiptingum fyrir 170 Jarðkönnunarkort, sem gerð voru á Orkustofnun fram til ársins 2003. Skönnuð kort eru aðgengileg í Kortasjá OS og kortasjá fyrir kortasafn OS, ásamt lýsigögnum tengdum reitum kortblaða.